Een van my gunsteling kunswerke hang in die Keble Kollege kapel in Oxford, Engeland. Die skildery, The Light of the World deur die Engelse kunstenaar William Holman Hunt, wys Jesus met ’n lantern, wat aan ’n huis se deur klop.
Een van die prikkelende aspekte van die skildery is dat die deur nie ’n handvatsel het nie. Toe Hunt gevra is na die gebrek aan ’n manier om die deur oop te maak, het hy verduidelik dat hy die beeld van Openbaring 3:20 wou weergee, “Kyk, Ek staan by die deur en Ek klop. As iemand my stem hoor en die deur oopmaak, sal Ek by hom ingaan …”
Die apostel Paulus en die skildery illustreer die barmhartigheid van Jesus. Hy klop saggies aan die deur van ons siele met Sy aanbod van vrede. Jesus wag geduldig vir ons om te reageer. Hy open nie self die deur en forseer Sy pad oop in ons lewens nie. Hy dwing nie Sy wil op ons af nie. In plaas daarvan bied Hy aan alle mense die geskenk van redding en lig om ons te lei.
Vir elkeen wat die deur oopmaak, belowe Hy om in te gaan. Daar is geen ander bepalings of voorskrifte nie.
As jy die stem van Jesus en die sagte klop aan die deur van jou siel hoor, wees vertroos dat Hy geduldig vir jou wag en sal ingaan as jy Hom binnenooi.